Kryeministri Edi Rama ka bërë disa ndryshime në dikasteret që ai drejton, duke emëruar Plarent Ndrecajn Sekretar të Përgjithshëm të Ministrisë së Brendshme.
Ndreca zëvendëson në detyrë Dritan Palnikaj, i cili emërohet Këshilltar i Kryeministrit. Edhe më herët Panikaj ka mbajtur pozicionin e këshilltarit të kryeministrit dhe të Ministrit të Brendshëm.
Ndërkohë që Ndreca më herët ka qenë sekretar i përgjithshëm në Ministrinë e Arsimit, ku pati një përplasje me ministren teknike Mirela Karabina.
Ndërkaq, Dritan Palnikaj që ka marrë postin e këshilltarit të Kryeministrit Rama, është emëruar Sekretar i Përgjithshëm i Ministrisë së Brendshme më datë 29 mars 2018. Më herët ka mbajtur detyrën e Këshilltarit të Kryeministrit dhe Ministrit të Brendshëm.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
