Kryetarja e LSI-së Monika Kryemadhi ka zbërthyer skemën sesi KQZ sipas saj po kryen veprimet e ditëve të fundit, pa marrë parasysh ligje apo dekrete qe duhen zbatuar.
Ajo deklaroi se kreu i qeverisë Edi Rama ka kërcënuar anëtarin e KQZ Denar Bibën me vettingun e bashkëshortes dhe se listën kush e kalon procesin e bën njeriu i afërt i tij.
“Gjyqtarët kanë frikë Engjëll Agaçin se ai i bën listat kush kalon dhe kush jo. Shkarkimi i Bashkim Dedjas ka qënë kurth. Duhet të ikte që të shkatërrohej Gjykata Kushtetuese.”
Lidhur me Vettingun, Kryemadhi tha se edhe ndaj Denar Bibës po bëhej presion që të mos i shkarkohen bashkëshortja.
“Kush është ai gjyqtar i cili merr përsipër shkeljen e dekretit presidencial. Nga ana ligjore 13 tetori, KQZ nuk e ka nisur procesin. Ne do i bëjmë një letër KQZ-së sepse çdo letër që do na kthejë KQZ do jetë një shpjegim por nëse Denar Biba do kërcënohet me vettingun e bashkëshortes së tij, kjo është çështje tjetër”, tha Kryemadhi.
