Një shpërthim i fuqishëm ka ndodhur në orët e mesditës së sotme në zonën e ish-Bllokut në Tiranë, pranë rrugës ‘Vaso Pasha’.
Fillimisht u raportua per nje shperthim brenda një banese, por janë mësuar detaje të tjera. Raportohet se një bombol gazi ka shpërthyer në një lokal në zonë dhe për pasojë 4 persona kanë mbetur të lënduar.
Ata janë transportuar në spital për marrjen e ndihmës mjekësore. Një nga të plagosurat është punonjësja e argjendarisë ngjitur me lokalin.
Shpërthimi ka qenë i fortë, duke dëmtuar jo vetëm lokalin por edhe bizneset përreth tij.Forca të policisë dhe shërbimi zjarrfikës ndodhen në vendngjarje. Po punohet për shuarjen e zjarrit në lokal pas shpërthimit.
Tiranë/Informacion Paraprak
Rreth orës 13:15 në rrugën “Vaso Pasha” në ambientet e një dyqani eventesh ka shpërthyer një bombul gazi.
Si pasojë e shpërthimit janë dëmtuar shtetasit S. P dhe A. P, E. N dhe D.S të cilët u dërguan në Spital për ndihmë mjeksore.
Grupi hetimor ndodhet në vendngjarje dhe po vijon punën për sqarimin e rrethanave të ngjarjes.
