Ish-kryeministri Sali Berisha ka bërë publike një SMS-në të një qytetareje që thotë se jeton në Itali dhe kushërinjtë e saj në Shqipëri i kanë kërkuar të dhënat personale në mënyrë që të votonin në vend të saj në 30 qershor.
“Jam emigrante në Itali. Një kushëri i imi më nis një mesazh me whatsapp dhe më thotë që mi nis pasaportën dhe kartën e identitetit për të votuar” – thuhet në mesazhin e qytetares. Ajo ka publikuar edhe SMS-në që sipas saj vjen nga Shqipëria.
“Selma jam Beni. Po mujte se jam në komision në qendër të votimit. Më dërgo një uatcap numrin e kartës me gjithë hallën të regjistroj të votosh. Të fala Beni” – thuhej në SMS-në që publikon emigrantja.
Në postimin e tij, ish-kryeministri Sali Berisha thotë se këto janë “aspekte te farsës moniste të 30 qershorit te monstrës se pluralizmit Edvin Kristaq Mafia!”.
Partia Demokratike ka nxjerrë me fakte dhe shifra manipulimin me keto zgjedhje, ndersa i ka kerkuar KQZ tu jape materialet zgjedhore si dhe listat me pjesemarresit ne votime.
