Refuzimi i Skendër Gjinushit si kryetar i Akademisë së Shkencave me dekret të Ilir Metës pritet të sjellë reagime të forta, pasi shumë nga figurat e njohura e kanë kundërshtuar emërimin e tij në kushtet kur u bë teksa Gjinushi ishte kryetar partie.
Gazetari Mentor Kikia ka reaguar me një postim në faqen e tij në rrjetet sociale pas refuzimit duke e konsideruar si vendim dinjitoz nga ana e presidentit Meta.
“Një refuzim dinjitoz i presidentit Ilir MetaPresidenti Ilir Meta nuk e dekreton Skënder Gjinushin si kryetar të Akademisë së Shkencave.
Pavarësisht arsyeve që ka apo që mund të ketë, ky është një veprim i drejtë. Zgjedhja e një politikani karriere, ndërsa kishte ende emrin në KQZ si pjesëmarrës në zgjedhjet vendore, është një turp për Akademinë e Shkencave, një turp për botën akademike në tërësi dhe një turp për të gjithë shoqërinë. Akademia e Shkencave nuk është ministri, ku titullari është post politik. Kreu i Akademisë së Shkencave duhet të jetë një figurë elitare e shoqërisë, duhet të personifikojë jo vetëm studiuesin dhe akademikun, por edhe personalitetin e padiskutueshëm publik”,-shkruan Kikia.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
