Mbarë opinion publik është tronditur dhe shqetësuar nga dridhjet e trupit të Angela Merkelit, tè cilat janë përsëritur vazhdimisht.
Vetë Merkel shprehet se nuk ka vend për panik, ndërsa ka qetësuar të gjithë me reagimin e saj publik ku tha se po merr mjekim.
“Nuk ka nevojë për t’u shqetësuar”, ka deklaruar Merkel në një konferencë shtypi me kryeministrin finlandez, Antti Rinne në Berlin. Merkel ka siguruar se ishte në procesin e trajtimit të sëmundjes. “Qartësisht që asgjë nuk ka përfunduar, por ka përparime”, është shprehur ajo.
Kancelarja gjermane, Angela Merkel, përsëri pësoi një dridhje trupi, këtë herë gjatë pritjes me nderime ushtarake të kryeministrit finlandez, Antti Rinne. Ndryshe nga herët e tjera, dridhjet nuk ishin edhe aq të forta. Kjo është hera e tretë që kancelarja Merkel përjeton këto shqetësime shëndetësore.
