Fama e saj tashmë nuk vihet në dyshim. Era Istrefi do ta zyrtarizojë këtë aspekt të rëndësishëm me turin botëror që pritet të zhvillojë.
Viti 2020 do të jetë vit dinamik për të. Era ka njoftuar se do të jetë në vendet me të dëgjuara të botës për të dhënë shfaqjet e saj.
Këngëtarja do të performojë hitet e saj të suksesshme fillimisht në Londër, për ta mbyllur në Montreal.
Performancat skenike të Erës do të mund të shijohen përgjatë dy muajve në 20 vende, ku përfshihen: Londër, Paris, Milano, Prishtinë, Tiranë, Stokholm, Amsterdam, Bruksel, Berlin, Madrid, San Francisko, Los Angeles, Santa Ana, Las Vegas, Miami, Atlanta, Chicago, Neë York, Toronto dhe Montreal.
