Dy persona të akuzuar për kultivim kanabisi kanë rënë sot në prangat e policisë në Vlorë.
Policia bën me dije se në pranga kanë rënë një 59-vjeçar me inicialet B.M dhe një 58-vjeçar me inicialet B.B, banues në fshatin Mekat.
Njoftimi i plotë i policisë:
Vlorë
Në vijim të kontrollit të territorit për parandalimin e kultivimit të bimëve narkotike, Policia e Vlorës asgjëson disa bimë narkotike dhe vë në pranga kultivuesit e tyre.
Seksioni i Krimeve pranë Komisariatit të Policisë Vlorë, bazuar edhe në informacione të marra në rrugë operative, kanë evidentuar dhe goditur një rast të kultivimit të bimëve narkotike në fshatin Mekat, Njësia Administrative Shushicë.
Në vijim të veprimeve, janë arrestuar në flagrancë shtetasit B.M., 59 vjeç dhe B.B., 58 vjeç, banues në fshatin Mekat.
Materialet iu referuan Prokurorisë në ngarkim të tyre për veprën penale “Kultivimi i bimëve narkotike” kryer në bashkëpunim.
