Një ditë pas protestës, Lideri demokrat zhvillon një takim me drejtuesen e OSBE/ODIHR. Drejtuesja e misionit të OSBE/ODIHR, Audrey Glover, ka mbërritur këtë mesditë në selinë blu. Shefja e OSBE do të zhvillojë një takim me kreun e Partisë Demokratike, Lulzim Basha.
Ajo është pritur jashtë selisë blu nga ish-deputeti demokrat, Oerd Bylykbashi. Detajet e takimit priten të komunikohen ne vijim ose ndoshta do te mbeten konfidenciale, duke qene se lideri demokrat asnjehere nuk i ben objekt bisede takimet me nderkombetarët.
Kujtojmë se në raportin e fundit të OSBE, Glover kritikoi ashpër zgjedhjet e mbajtura në 30 Qershor, duke renditur mangësitë, teksa la të kuptohet se janë institucionet e vendit ato që duhet të rishikojnë vlefshmërinë e tyre.
