Ngjarjet e rënda të ndodhur brenda pak orësh në Korçë janë zbardhur nga policia mëngjesin e sotëm.
Sipas informacioneve zyrtare, vetëvrasja e kunatit të viktimës së djeshme, lidhet me vrasjen e këti të fundit. Sefedin Zenellari do të pyetej si dëshmitar për vrasjen e Gramos Nakos, mbrëmjen e djeshme.
Në momentin kur blutë kanë kërkuar shoqerimin e tij si i dyshuar kryesor, ai eshtë mbyllur në dhomë ku i ka dhënë fund jetës.
“Në vijim të ngjarjes së ndodhur mbrëmjen e djeshme në lagjen nr 7, ku u gjet i vrarë me armë zjarri tip pistoletë, shtetasi G.N, 57 vjeç informojmë se:
Autori i dyshuar i kësaj ngjarje është kunati i tij shtetasi S.Z, 71 vjeç, banues në Korçë, i cili mëngjesin e sotëm në momentin kur shërbimet e Policisë kanë shkuar për ta shoqëruar në Komisariat, është vetvrarë me armë zjarri tip pistoletë, në banesën e tij ku jetonte i vetëm.
Grupi hetimor po punon për zbardhjen e plotë të rrethanave të ngjarjes”, njofton policia.
