Erion Isai e ka marrë seriozisht faktin se shumë shpejt do ta shohë veten kryetar bashkie në zonën e tij. Mesa duket aktorit nuk i pritet ky çast dhe këtë e reflekton me të gjitha postimet e fundit.
Ai së fundmi ka njoftuar se ka hequr dorë nga aktrimi. Tashmë aktori pret të marrë detyrën e re si si kryebashkiak i Kolonjës. Por publikisht, në një postim në Instagram ai ka falënderuar të ata me të cilët kanë punuar, Altin Bashën, Agron Llakajn dhe deri tek Ardit Gjebrea.
“Faleminderit që më ndriçuat! Janë njerëzit që kanë shenjuar rrugën time artistike që 15 vjeç. Me zemër faleminderit! Për të veçuar Altin Bashën, për të artën mundësi, Portokallinë, dhe Ardit Gjebrea për besimin e skenarit dhe bashkëpuntorit të kënga magjike, dhe E diela Shqiptare. E sigurisht kolegun, vëllain tim, prej 12 vjetësh, Bes Kallakun! Unë nuk do të kem angazhim artistik në televizion në sezonin e ri (ndërsa lejen vjetore sigurisht që do ta shfrytëzoj për teatër ) . Nuk e di nëse vërtet puna e përkushtimi im ka qenë këto vite më e mira, por di se puna me këta njerëz më ka bërë më të mirë!”, shprehet Isai.
Mirëpo përgjigjet ndaj tij kanë qënë të shpejta. Arditi i ka kthyer përgjigje postimit të tij, ndërsa ka patur dhe thumba nga ish-kolegët e tij, të cilët Isai nuk i ka përmendur, si Ledio Lako.
