Monika Kryemadhi ka dhënë një deklaratë për mediat pas mbledhjes së aleatëve opozitarëve në selinë blu. Kryemadhi ka theksuar se githë diskutimi nuk bëhet për çështje karrigesh, por për shqiptarët dhe për tu siguruar atyre një jetë më të mirë.
Kryemadhi tha se 30 Qershori është ilegjitim dhe se ka një datë tjetër për zgjedhjet e cila do të merret parasysh, ajo e dekretuar nga presidenti Meta, si 13 Tetori.
“Nuk kemi parë ndonjë ankesë nga socialistët dhe në gjykatat e tyre apo në Gjykatën Kushtetuese”.
Kryemadhi foli dhe për emërimin apo jo të kryetarëve nga zgjedhjet e para tre ditëve. Ajo tha se i takon popullit me zgjedhjet që do të mbahen sërish për të percaktuar nëse duan të mbajnë këta që janë apo duan emërimin e të rinjve.
