Historia e maturantit nga Kukësi rrëmbeu qindra pëlqime dhe komente pozitive nga publiku. Sabit Tusha dhe nëna e atij Hate u pëlqyen pa masë në rrjetet sociale pasi u shfaqën bashkë në mbrëmjen e maturës.
Ata folën sot për herë të parë në një emision televiziv. Të ftuar tek “Ftesë në 5”, Sabiti dhe Hatja rrëfyen parapërgatitjet për tek festa ku u bënë të famshëm, pa e parashikuar aspak diçka të tillë. Sabiti tregoi se të shkuarit me mamanë në mbrëmjen e maturës, e konsideron një thyerje tabuje.
“E kam planifikuar që në fillim të vitit të 3-të. Mendoja se do dilte diçka e bukur, por nuk ma ka marrë mendja kurrë se do bëhej një bum kaq i madh”,- u shpreh 18- vjeçari.
Edhe pse ai kishte disa vajza që i pëlqenin zgjodhi nënën e tij, pasi për të eshtë më e shtrenjta. Zonja Hate nga ana e vet, nuk ishte fort entuziaste fillimisht, kur mori ftesën e papritur nga i biri.
“I thashë: ‘Mos po bën ndonjë gabim që po më merr? Të gjithë shkojnë me shoqet!’ Por ai më tha: “Jo, dua të shkoj me zemrën teme.”‘
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
