Presidenti Ilir Meta ka falenderuar të gjithë shqiptarët të cilët dje i qëndruan larg perplasjeve dhe incidenteve.
Në reagimin e parë të tij pas votimeve të 30-Qershorit, Meta zgjedh ti ironizojë këto të fundit, duke thene se është tejkaluar dhe plani.
STATUSI I PLOTE
Urime të gjithë qytetarëve që dje iu larguan konfrontimit dhe dhunës duke respektuar në mënyrë qytetare njëri-tjetrin, pavarësisht nga qëndrimi ndaj votimeve socialiste të thirrura nga kryeministri Rama.
Shqipëria shpëtoi nga kurthi i përplasjes civile, ndaj i falënderoj nga zemra të gjithë shqiptarët që nuk ranë viktimë e retorikës konfrontuese të liderëve të papërgjegjshëm, që përmes nxitjes së dhunës duan të fshehin skandalet dhe llogaridhënien e tyre.
Përsa i takon tejkalimeve të planit në votimet socialiste, asnjë surprizë nuk kisha.
Tani me duhet të “shpik” një dekoratë të re, që besoj me ndihmën e Kuvendit socialist do miratohet, atë të “Heroit të votave socialiste”. Për të shijuar rikthimin e kohës së votimeve kolektive, ju ftoj të ndiqni edhe këtë video.
https://www.facebook.com/ilirmetazyrtar/videos/2388326878063638/
