Këshilli i Europës njoftoi se ka tërhequr grupin e vëzhguesve duke treguar qartë se nuk do të jetë e pranishme në zgjedhjet e 30 Qershorit. (kliko ketu)
Ka ardhur dhe reagimi i parë nga demokratët. Kryetarja e Bashkisë së Shkodrës, Voltana Ademi e ka cilësuar këtë, një lajm të mirë për të gjithë shqiptarët.
Ajo shkruan në rrjetet sociale se do te jenë të gatshëm të ndërveprojnë me Kongresin.
“”LAJM I MIRË PËR SHQIPËRINË! KËSHILLI I EUROPËS ANULLON MISIONIN E VËZHGUESVE PËR 30 QERSHORIN
Kongresi i Autoriteteve Lokale dhe Rajonale të Këshillit të Evropës, informon se udhëheqja e Kongresit (Presidenti në konsultim me dy Presidentët e Dhomave, në përputhje me rregullat e Kongresit) ka marrë vendim të mos dërgojë një Delegacion për Vëzhgimin Zgjedhor të Kongresit në Shqipëri për shkak të paqartësisë së vazhdueshme në lidhje me organizimin e zgjedhjeve lokale në Shqipëri më 30 qershor dhe rreziqet e mundshme të sigurisë në zona të caktuara.
“Kërkojmë ndjesë për çdo shqetësim që mund të ketë shkaktuar anullimi i beftë dhe ju falënderojmë për gatishmërinë tuaj për të ndërvepruar me Kongresin”- shprehet Këshilli i Europës”,-shkruan Ademi.
