Një shtetas 58 vjeçar ka humbur jetën mëngjesin e sotëm. Ende nuk dihen rrethanat, por trupi është gjetur në shtëpinë e tij, ku thuhet se ishte duke punuar.
Q.P, nga Kruja, u transportua menjëherë në Spitalin e Traumës në Tiranë, por nuk mundi ti shpëtojë plagëve të marra.
“Më datë 22.06.2019, në Borizanë, Krujë, shtetasi Q.P., 58 vjeç, është dëmtuar duke kryer punime pranë banesës së tij.
Ai u transportua në Spitalin e Traumës Tiranë, por si pasojë e plagëve të marra ka ndërruar jetë”, njofton policia.
Policia nuk jep ende detaje mbi rrethanat e ngjarjes, ndërkohë që grupi hetimor po punon për sqarimin e plotë të dinamikës.
