Kryeministri Edi Rama ka reaguar pas përplasjeve të shumta që kanë ndodhur brenda dy ditësh në disa Bashki, për shkak të materialeve zgjedhore që janë vendosur në kundërshtim me dekretin e presidentit Meta.
Kryeministri vazhdon ti qëndrojë fort idesë se zgjedhjet do të mbahen në 30 Qershor, ndërsa ka “kërcënuar” ata që i kundërshtojnë me një ligj të ri që do ta miratojë në Parlament.
Sipas tij, kush kryen krim elektoral nuk do të lejohet të dalë jashtë vendit për 5 deri në 10 vite. Në një takim me banorët e njësisë administrative nr.1 në Tiranë, Rama tha se kjo masë do të kalojë nesër në parlament.
Kjo deklaratë e kryeministrit vjen pas tensioneve të krijuara ditët e fundit në KZAZ-të e vendosura në bashkitë që drejtohen nga të djathtët, çka ka çuar në arrestimin e mbështetësve të PD e punonjësve të bashkive. Kujtojmë se në Burrel e Kamëz sot policia hodhi gaz lotsjellës, ndërsa pati dhe të plagosur.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
