Ish-deputetja Dhurata Çupi ka dalë nga komisariati numër 16, teksa u shoqërua pas përplasjeve gjatë paradites në KZAZ-në numër 16 në Burrel, ku mbështetësit e opozitës dogjën materialet zgjedhore.
Policia sqaron se nuk e ka shoqëruar drejtëpërdrejt ish-deputeten, por kjo e fundit ndodhej në një makinë që policia dyshonte se ishin materialet zgjedhore të marra nga KZAZ, e për rrjedhojë do kontrollohej në komisariat. Ish-deputetja sipas tyre nuk ka pranuar të zbresë nga makina dhe ka përfunduar në komisariat.
Por nga ana tjetër, ish-deputetja sqaron se e vërteta eshte ndryshe. Ish-deputetja thotë se u shoqerua nga dy persona me meska ne nje furgon policie, bashke me kryetaren e FRPD Burrel Denisa Vata.
Lidhur me këtë, kryetarja ka bere nje foto gjatë shoqërimit, ku shikohen dy persona me maskë.
*Fotoja eshte nje selfie e Denisa Vates gjate shoqerimit.
