Ish-ministri Ylli Manjani nuk e quan aspak të zakonshme sjelljen e socialistëve para përgjimeve, të cilët sipas tij, dhe pse e pranojnë i quajnë krejt normale.
Në një reagim në rrjetet sociale, Manjani thotë se deri tani nuk kemi asnjë mbajtjeje përgjegjësie sikurse dhe dorëheqje.
“I pranojnë të gjithë në kor bisedat që kanë bërë dhe i quajnë NORMALE.
O zot, ç’a është anormale në kët vend që ky organizim kriminal të quhet normal?!
Presion mësuesve e punonjësve të administratës, furgona me kriminelë, përdorim të policisë për të bllokuar rrugët kundërshtarëve, blerje masive me 5000 votën, përfshirje e të gjithë shtetit në terror politik që njerëzit të votojnë haptaz dhe në fund, bravo për realizimin e objektivit rilindasit i quajnë NORMALE!
Asnjë përgjegjësi! As edhe një ndjesë njerëzore! Dorëheqje jo e jo!
Vetëm premtimin se do ta bëjnë prap.
Kjo është revoltuese!”,-reagon Manjani.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
