Ish-ministri i Drejtësisë Ylli Manjani në një reagim të fundit për 16 përgjimet e publikuara nga BILD, shkruan se qeveria Rama apo edhe vetë kryeministri sa më shumë reagojnë aq më shumë zhyten.
Sipas tij hedhja në gjyq e BILD është qershia mbi tortë dhe se aty do të provojë Rama se çfarë është të përballesh me drejtësinë.
16 përgjimet e reja që ka publikuar media gjermane “Bild” ishin për shit-blerjen e votave në qarkun e Dibrës.
Reagimi i plotë:
Sa më shumë reagon aq më thellë zhytet.
Vijon të konfirmojë vërtetësinë e përgjimeve, sepse vijon të merret me sekretin.
Megjithatë Arben Keshi u bë shef policie në Bulqizë pasi kreu me sukses masakrën zgjedhore post Shukri. Pra e promovuan…
“Do ta bëj prap” – thotë udhëheqësi. Pikërisht ky është problemi, që Ai e bën prap të njëjtën masakër zgjedhore.
Do kërcënojë mësuesit, do përdorë policinë, do blejë një votë 5000 lekë, do çojë furgona me “çunat me probleme”….
Hedhja në gjyq e BILD është qershia mbi tortë. Do ta provojë tek “drejtësia e vërtetë gjermane”. Hahahahahahahahhahaah…
Ta provojë! Shumë mirë do bëjë! Ta kuptojë se ç’është drejtësia. Atje për shumë më pak sesa ka bërë ky në vendin e vet, drejtësia të hedh hekurat. Të shkojë iher, ta provojë… Tashmë do ta vizitojë Berlinin, jo si Kryeministër por si palë që ndjehet i shpifur…
