Ish-kreu i grupit Parlamentar Petrit Vasili ka komentuar lajmin e fundit se anëtarët e KQZ kanë kërkuar mbrojtje nga forcat speciale të Gardës, duke u shprehur se ndjehen të kërcënuar.
Vasili ironizon këtë ngjarje duke i quajtur anëtarët puçistë që kanë shkelur kushtetutën dhe ligjin duke refuzuar dekretin e Presidentit.
Sipas tij, e kanë të kotë, pasi tashmë janë bërë gazi i botës me bodyguardë nga prapa.
POSTIMI I PLOTE
Ai i mbrojnë dot bodyguardët anëtarët e rilindjes në KQZ nga përgjegjësia para ligjit ???
Anetarët e rilindjes në KQZ kanë tani nga pas bodyguardë,që jua ka vënë qeveria.
Këta anëtarë janë thjesht puçistë, që kanë shkelur kushtetutën dhe ligjin duke refuzuar dekretin e presidentit.
Kërcënimi i vetëm këtyre anetareve të KQZ, ju vjen nga ligji, të cilin e kanë shkelur dhe dhunuar në emër të rilindjes dhe me urdhër të saj.
A i mbrojnë dot bodyguardet këta anëtarë të KQZ nga përgjegjësia shumë e rëndë e shkeljes së ligjit?
A vlejnë pistoletat dhe muskujt e bodyguardëve për ti mbrojtur këta anëtarë të KQZ nga dita shumë e afërt e gjykimit për dhunimin, që ata i bënë ligjit.
E kanë kot fare këta të KQZ që bëhen gazi i botës me bodyguardë nga prapa.
Gjithshka kanë bërë e bëjnë në mënyrë skandaloze, duke shkelur ligjin për hesap të rilindjes dhe kundër popullit është mbajtur shënim dhe përgjegjësia e secilit përpara ligjit është e do të jetë individuale dhe e pashmagshme…!!
