Pas zgjedhjeve që u shoqëruan me debate, dhe pas emërimit të tij pranë Akademisë së Shkencave e cila u shoqërua me tensione, pati akuza të forta se po shkelej ligji.
Skënder Gjinushi rezultonte ende në listat si kryetar i PSD, çka përbëntë një lëmsh ligjor, të cilin as Gjinushi nuk preferoi ta shpjegonte.
Diskutimet dhe rezervat ndaj tij i kanë rënë në vesh, ndaj ditën e sotme, Gjinushi mbajti një deklaratë për mediat për të sqaruar të gjithën.
Ai tha se që prej 18 majit nuk është më kryetar i PSD, ndërsa detyra e tij e re si kryetar i ASH nuk është bërë ende efektive.
“Prej 18 majit unë nuk ushtroj më funksionin e kryetarit të PSD. në 24 maj jam zgjedhur nga asambleja e nderuar e Akademisë së Shkencave si kryetar i Akademisë Shkencave çka ende nuk është bërë efektive. Kështu që ndryshe nga ç’rendin prej kohësh të thonë nuk kryej as funksionin e kryetarit të PSD e as kryetarit të ASH”,-ka thënë ai.
