Këngëtarja Dua Lipa i ka dhënë fund lidhjes me shefin e njohur të kuzhinës Isaac Carew. Burime për “The Sun” kanë zbuluar se çifti u munduan ta bënin lidhjen e tyre të funksiononte por nuk ia dolën.
“Dua dhe Isaac u përpoqën me të vërtetë që të takoheshin me njëri-tjetrin që kur u rikthyen së bashku. Ata donin t’i bënin gjërat të funksiononin dhe gjërat ishin shumë mirë mes tyre për një farë kohe, por ajo sa vjen edhe po bëhet shumë e zënë me punë dhe karrierën muzikore”.
Në qershor të vitit të kaluar, Isaac ishte fotografuar me një grua misterioze duke vallëzuar në një klub nate në Londër, ndërsa kënga hit e Duas “One Kiss” ishte në sfond.
Pavarësisht zërave se ai ishte treguar i pabesë ndaj Duas, dyshja i hodhi pas krahëve thashethemet dhe u bashkua sërish, por me sa duket jo për një kohë të gjatë. Fakti që ata janë ndarë i ka kushtuar shumë Isaac-ut. Këto ditë ai nuk është ndjerë mirë dhe nuk ka dënjuar të postojë dhe në rrjetet sociale fotot e gjendjes së tij. Së fundmi ai ka qenë i shtruar dhe në spital.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
