Një video virale tregon sesi fansat nuk durojnë dot pa e prekur dhe puthur këngëtaren dhe aktoren e njohur Miley Cyrus.
Këngëtarja Miley Cyrus (26) dhe bashkëshorti i saj Liam Hemsworth (29) kaluan fundjavën në Barcelonë, dhe kur u larguan nga hoteli, u rrethuan nga fansat.
Njëri prej tyre e kapi këngëtaren për flokësh dhe u përpoq për ta puthur, gje e cila u refuzua nga ajo. Në vendin e ngjarjes kanë ndërhyrë rojat e sigurisë, të cilët larguan sulmuesin.
Miley mori pjesë në Festivalin “Primavera Sound” në Barcelonë, ndërsa as ajo dhe as bashkëshorti i saj nuk komentuan incidentin.
Kjo nuk është hera e parë që Miley ka probleme me fansat. Pesë vjet më parë një i ri dërgoi një mesazh kërcënues për këngëtaren dhe publikisht tha se ajo e tërheq seksualisht.
