Lideri demokrat Basha ka ndarë eksperiencën e tij pas pjesëmarrjes në takimin për ditën e biznesit në Gjermani, në një panel me ministra të kabinetit të Merkel.
Basha shkruan se kjo është një mundësi e mirë per të parë nga afër mekanizmat sesi një qeveri bashkëpunon për të lehtësuar zhvillimin ekonomik dhe punësimin, të cilën do ta aplikojë dhe për Shqipërinë.
“I nderuar të merrja pjesë në Ditën e Biznesit 2019 me sloganin“Fillim i ri për Gjermaninë dhe Europën” organizuar nga Këshilli Ekonomik Gjerman me pjesëmarrjen e 4000 sipermarresve, ministra të kabinetit Merkel, kryetaren e CDU- Annegret Kramp-Krrenbauer dhe kandidatin e Partisë Popullore Europiane për President të Komisionit Europian Manfred Weber.
Gjëja më e rëndësishme për kryetaren e CDU, Annegret Kramp Karrenbauer është që kompanitë në Gjermani të mbeten konkurruese: mungesa e punëtorëve të kualifikuar, kostot e energjisë dhe siguria e furnizimit, stimuj për investime, kërkime dhe infrastrukturë janë paketat e masave të propozuara në këtë funksion.
Zgjidhje në vend të krizave, guxim në vend të frikës është moto e Manfred Ëeber, Kandidati për President i Komisionit Europian i cili theksoi se qëndron për një politikë të bazuar në investime, mundësi dhe konkurrencë.
Një mundësi unike për të parë nga afër mekanizmat se si një qeveri e përgjegjshme bashkëpunon me sipërmarrjen, dialogon me të dhe planifikon masa lehtësuese në funksion të zhvillimit ekonomik dhe punësimit.
Biznesi është gjeneratori i zhvillimit dhe punësimit ndaj PD është e vendosur të zbatojë masat e nevojshme për të lehtësuar klimën e biznesit dhe për të garantuar një mjedis tërheqës për investimet e huaja siç kemi parashikuar në planin tonë ekonomik. Gjithçka në funksion të punësimit dhe zhvillimit ekonomik të Shqipërisë. #ShqipëriaSiEuropa”,-shkruan Basha.
