Policia italiane ka arritu të finalizojë një operacion kundër bandave kriminale. Bëhet fjalë për një operacion i Policisë italiane të Modenas, i cili ka çuar në shkatërrimin e dy bandave shqiptare me aktivitet të paligjshëm në trafikun e prostitucionit e të lëndëve narkotike.
Në pranga janë vënë disa shqiptarë, anëtarë të 2 bandave. Mbi 50 trupa policorë kanë ekzekutuar mëngjesin e sotëm kontrolle në mjaft banesa duke vënë në pranga disa nga anëtarët e 2 bandave kriminale.
Hetimet kanë zbardhur se ata shfrytëzonin për prostitucion rreth 20 vajza nga Europa Lindore. Pa leje të rregullt qëndrimi e me një biznes përfitimi prej 180 mijë euro në muaj.
Dy grupet shqiptare ishin në rivalitet mes tyre, i cili ka çuar në një konflikt me armë zjarri i verifikuar më 5 prill 2018.
Gjatë mesditës në një dalje për mediat Policia e Modenas do të zbardh detajet e këtij operacioni.
