Një ngjarje e rëndë raportohet se ka ndodhur në Kantonin e Zyrihut me protagonist një shqiptare. Mediat zvicerane shkruajnë për fatin tragjik të një 34-vjeçare. Ajo dhe mikesha e saj 38 vjeç u vranë tragjikisht nga ish-i dashuri 60-vjeçar i shqiptares, i cili më pas qëlloi mbi veten.
60-vjeçari me iniciale P.C nuk e pranonte dot ndarjen nga shqiptarja dhe e mori peng këtë të fundit sëbashku me mikeshën e saj në banesë, ku më pas qëlloi mbi to dhe mbi veten.Media zvicerane “20 minuten” ka publikuar detaje të reja nga ngjarja e rëndë sëbashku me dëshminë e familjarëve të shqiptares. Prindërit e viktimës, e kishin zbuluar në mbrëmje faktin se vajza e tyre nuk ishte më në jetë. Ata ndodhen në gjendje të rëndë psikologjike.
Të afërm dhe miq e përshkruanin të renë shqiptare si një vajzë pozitive, zemërmirë e të qeshur.
Një mike e saj është shprehur: Ajo ishte një engjëll në tokë. Ajo gjithmonë ka dhënë gjithçka, ka qenë shumë e dobishme dhe luftoi për jetën e saj. I.S ishte një lloj “mami” për të gjithë. Ajo e kuptonte menjëherë kur dikush ishte i trishtuar, i zemëruar ose i zhgënjyer.
Ndër të tjera, familjarë të saj janë shprehur se ajo ishte ftohur me prindërit për shkak të marrëdhënies me 60-vjeçarin, diferencës së madhe në moshë që kishte me të dhe origjinës së tij.
Familjari shtoi: Shumë anëtarë të familjes ishin kundër marrëdhënies. Prindërit e tyre ishin veçanërisht kundër, sepse i dashuri i saj ishte i të njëjtës moshë me të atin. Ata mendonin se ajo meriton dikë më të mirë. Problemi i dytë ishte se ai nuk ishte shqiptar. Pas ndarjes, I.S pastaj jetoi me viktimën e dytë M. S. Që atëherë ajo ka pasur marrëdhënie të mirë me familjen, sidomos me prindërit e saj.”
E reja do të varroset në Kosovë javën që vjen.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
