Situata me tërmetet ka vazhduar në Korçë. Mësohet se lëkundjet e tërmetit janë regjistruar edhe gjatë mbrëmjes. Brenda pak minutave janë regjistruar 4 lëkundje me magnitudë 3 dhe 4 ballë.
Prej orëve të para të mëngjesit të sotëm, banorët janë të shqetësuar, pasi do t’i duhet të kalojnë natën jashtë.
Kujtojmë se qyteti i Korçës u godit ditën e djeshme nga 7 tërmete, duke lënë dhjetëra banesa të shkatërruara.
Ndërkaq, 4 persona janë plagosur, të cilët për fat të mirë janë jashtë rrezikut për jetën.Tërmeti më i fuqishëm goditi fshatin Flloq, me një forcë goditëse 5.3 ballë të shkallës rihter.
