Këngëtarja shqiptare Rita Ora i është rikthyer koncerteve duke e quajtur zyrtarisht sezon impenjativ. Ajo është duke vazhduar suksesshëm turneun e saj të koncerteve, “Phoenix”.
Mbretëria e Bashkuar është destinacioni i fundit i këtij turneu të këngëtares, pas sukseseve të shënuara në Australi, Azi dhe Europë.
Së fundmi, Rita mbajti koncert gjigant në Glasgow, ku dhuroi spektakël për mijëra adhurues.
Në mesin e fansave duket se nuk kanë munguar edhe ata shqiptarë, të cilët i kanë bërë pritje të ngrohtë Ritës me flamurin kombëtar në sallë.
Ka qenë Elena Ora (motra e këngëtares) që ka publikuar në InstaStory një fotografi të fansave shqiptarë, ku shfaqen me flamurin kuqezi dhe simbolet kombëtare.
“Shqiptarë përgjithmonë”, ka shkruar Elena në mbishkrim e kësaj fotografie, ku shihen të lumtur fansat e Ritës.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
