Kryetari i PD, Lulzim Basha ftoi të gjithë qytetarët e Tiranës që ti bashkohen protestës së opozitës në 2 qershor, për të rrëzuar të keqen siç tha ai.
Nga zona e ish-Kinostudios, Basha u shpreh i vendosur që betejën që ka nisur me qytetarët do të çojë deri në fund.
Basha: Rrëzimi së keqes është detyrë kombëtare. Ejani të dielën në orën 19:00, ejani në protestën tonë, bashkohuni në lëvizjen tonë. Bëhuni pjesë e çlirimit nga kjo bandë. Protestat janë rruga e vetme e rezistencës e përballjes e largimit të së keqes dhe rrëzimit të bandës në pushtet.
Ka dy rrugë, ta hamë turpin me bukë para fëmijëve tanë ose të çohemi e të bashkohemi e të përballemi e të luftojmë orë e minutë derisa të largojmë këtë bandë.
Është në dorë të njerëzve. Ne e bëmë zgjedhjen tonë kur u larguam nga strofkulla e krimit. Orët e fitores po afrojnë, orët e tiranisë po numërohen prapësht.
Kush pret reflektimi nga njeri i kapur me krimin e ka të kotë dhe i përket një pakice që do zhgënjehet.
