Gjykata e Tiranës vendosi të pushojë hetimet për Kastriot Gjuzin të akuzuar për vrasjen e Mario Majollarit rreth një vit më parë.
Disa javë më parë, Prokuroria e Tiranës kishte kërkuar pushimin e procedimit, pasi nuk ka prova të mjaftueshme për të vërtetuar fajësinë e Gjuzit.
Gjuzi nuk e pranoi asnjëherë fajësinë, duke thënë se nuk e ka varë ai Majollarin, por në atë kohë prokurori pretendonte se kishte prova të mjaftueshme për të ngritur dyshimin e arsyetuar, se ai ishte autori i vrasjes.
E pranishme në seancën e sotme ishte edhe nëna e Majollarit, e cila nuk ishte dakord me këtë vendim. Prokurori ka argumentuar në seancë se nuk janë gjetur provat materiale, si arma e krimit dhe për këtë nuk vërtetohen pretendimet.
Ndërkohë, nëna e Majollarit duke folur për mediat, është shprehur e revoltuar dhe thotë se do të apelojë vendimin.
Menjëherë pas ngjarjes së ndodhur me 12 Prill të vitit të kaluar, policia nisi hetimet mbi motivet e vrasjes dhe si pistë e parë ishte ajo e gjakmarrjes për shkak të dy vrasjeve që i ati i Majollarit kishte kryer në vitin 2000.
