Dy adoleshentë janë arrestuar në Himarë, pasi u kapën duke vjedhur një market.
Në pranga ranë 15 vjeçari me iniciale A.O., dhe 18-vjeçari me iniciale R.B., të dy banues në Librazhd.
“A.O dhe R.B (15 dhe 18 vjeç) banues në Librazhd u kapën në flagrancë nga policia duke vjedhur marketin e shtetasit V.L në Himarë,”-raporton policia.
Pas kontrollit fizik, në çantën e 15 vjeçarit policia gjeti të fshehur 3 doza lëndë narkotike të dyshuar si cannabis sattiva.
Ndërsa policia e Sarandës arrestoi një 19-vjeçar me iniciale Ll.I.
Policia raporton se gjatë kontrollit fizik të këtij 19-vjeçarit, banues në Sarandë, iu sekuestruan 7 doza lëndë narkotike e dyshuar si cannabis sattiva.
Materialet iu referuan Prokurorive përkatëse për veprat penale “Vjedhje në bashkëpunim” dhe “Prodhimi dhe shitja e narkotikëve”.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
