Kryeministri Edi Rama vazhdon të insistojë në dialog me opozitën, kërkesë të cilën ditëve të fundit e ka parashtruar përmes 6 letrave.
Ka patur përgjigje nga opozita e bashkuar e cila nuk pranon të dialogojë, ndërsa kanë njoftuar se protesta e radhës do të jetë në 2 Qershor, ditën e djelë.
Por pavarësisht, pergjigjes së prerë, Rama vijon të japë mesazhe përmes postimeve në rrjete sociale.
Që me mëngjes sot ka publikuar në foto kryeveprën e Leonardo Da Vinçit, ‘Darka e Fundit’ dhe shprehet se kjo vepër është restauruar pas 22 vitesh.
Theksojmë se ‘Darka e Fundit’, sipas të krishterëve është darka që Jezu Krishit shtroi për rrethin e tij të ngushtë te apostujve. Aty ku ngriti pyetjen se kush është tradhëtari i tij. Nuk dihet se çfarë mesazhi ka dashur të japë Rama me këtë postim.
