Shpeshherë politikanët shqiptarë janë vene perballë atyre të huaj për të vëneë në dukje kontrastin mes tyre.
Këtë gjë e ka bërë gazetari Denis Dyrnjaja, i cili ka ironizuar permes një postimi në rrjetet sociale. Dyrnjaja ka publikuar një foto ku kancelarja gjermane, Angela Merkel, shihet e veshur mjaft thjeshte dhe ecën me bashkëshortin e saj me çadër në dorë.
Gazetari shkruan më tej, teksa ironizon politikanët shqiptarë se njeriu më irëndësishëm në Europë nuk është histerike dhe nuk ka 20 truproja pas vetes.
“Kancelarja e Gjermanisë me bashkëshortin e saj. Nuk po shkojnë as në Surrel, as në Lalëz, as në rezidencat e Lundrës apo Kodrës së Diellit. Po shkojnë në shtëpinë e tyre normale pasi kanë bërë pazar.
Nuk kanë 20 bodyguard që bëjnë si histerikë me makina para mbrapa, nuk kanë as gango që i ruajnë vullnetarisht. Njeriu më i rëndësishëm i Europës dhe ndër 5 më të rëndësishmit e botës është kaq e thjeshtë dhe e natyrshme në gjithçka,”- shkruan gazetari krahas fotos.
