Policia kufitare e Qafë – Thanës ka vënë në pranga një shtetas maqedonas me qëllim ekstradimi drejt Bullgarisë.
Policia bën me dije se arrestuari është shtetasi R.H, 52 vjeç, banues në Shkup.
Ai ishte shpallur në kërkim ndërkombëtar, për veprën penale “Shkelje të ligjit kundër sistemit monetar dhe sistemit kreditor”.
“Arrestimi i tij u bë në hyrje të Republikës së Shqipërisë, sepse gjatë verifikimit të dokumentacionit në sistem, shtetasi i mësipërm rezultoi i shpallur në kërkim ndërkombëtar pasi Gjykata e Blagoevgrad, Bullgari, ka caktuar masën e arrestit ndërkombëtar për veprën penale të lartpërmendur, të parashikuar nga Kodi Penal Bullgar.Maksimumi i dënimit është 8 vjet burgim”,- bën me dije policia.
Për veprime të mëtejshme, u njoftua ZQK Interpol Tirana me qëllim ekstradimin e këtij shtetasi drejt Bullgarisë.
