Në momentet kur Kryeministri Edi Rama ka dërguar 3 letra dhe kur lideri demokrat Basha së bashku me opozitën janë të vendosur për largimin e tij, Nard Ndoka, aleati i Bashës, ka bërë publike një letër për portalin e kryeministrit.
Në një reagim me 7 pika, Ndoka thotë se kriza mund të zgjidhet nëse dy liderët zbatojnë formulën e tij.
Reagimi i plotë:
Letër për portalin e KM!
Si zgjidhet kriza?
Këshilla për kokat e nxehta:
Krijohen dy grupe negociatorësh (pozitë-opozitë), në nivel politik e teknik.
1. Përafrohen qëndrimet politike të palëve.
2. Data e zgjedhjeve, parlamentare dhe lokale, projekt për ndryshimet ligjore.
3. Mandati i qeverisë kalimtare dhe detyrat.
4. Reformat që do të kryhen në drejtësi, zgjedhore, territoriale, integrim dhe kudo tjetër, që gjykohet.
5. Dorëheqja e Kryeministrit!
6. Firmosja publike e marrëveshjes mes përfaqësuesve të lartë politik (pozitë-opozitë).
– Kaq, kriza u zgjidh!?
Pushofshi në paqe, nëse vazhdoni më tej..!?
Reagimi i Ndokës vjen në një kohë kur ka 3 muaj që opozita është larguar nga parlamenti dhe ka djegur mandatet.
Situata politike është e tensionuar dhe opozita ka ftuar nesër qytetarët që t’i bashkohen në protestën e 6-të kombëtare.
Kryeministri Edi Rama, ka ftuar me anë të tri letrave publike opozitën në dialog pa kushte, ndërsa presidenti Ilir Meta, tha sot se është gati që të shtyjë datën e zgjedhjeve.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
