Aksidenti tragjik i mori jetën sot oficerit shqiptar në Rumani së bashku me gruan e tij. Bëhet fjalë për Ervin Dervinën.
Dervina po udhëtonte me bashkëshorten e tij rumune me makinën e ambasadës shqiptare në Bukuresht, në moment kur është përplasur me një kamioncinë e cila transportonte lëndë të parë ushqyese për gjedhët.
“Policia e Shtetit shpreh dhimbjen dhe solidaritetin për familjarët e 41-vjeçarit dhe bashkëshortes, për humbjen e papritur dhe të parakohshme të të afërmve të tyre, si dhe është e angazhuar maksimalisht dhe në bashkëpunim të vazhdueshëm me autoritetet rumune për zbardhjen e shkaqeve të aksidentit”, thuhet në një reagim të policisë.
Ervin Dervina ishte Oficer i Kontaktit i Shqipërisë pranë Qendrës për Forcimin e Ligjit në Evropën Juglindore (SELEC).
