Episodi i fundit i “Game of Thrones” ka sjellë dëshpërim tek miliona fansa në të gjithë botën. Shumëkënd për finalen që nuk e kënaqi, të tjerë për faktin se një seri shumë e dashur tashmë ka përfunduar.
Prerja e marrëdhënieve me serinë pas 8 vitesh mund të jetë shumë e vështirë. Ndaj dhe faqja angleze e internetit “Bark.com” ka menduar të vendosë në dispozicion një shërbim këshillimi psikologjik përmes aplikacionit “Skype”.
Kjo mund të duket për të qeshur, por ne fakt ka treguar se është e nevojshme.
Mund të flitet me një ekspert, që duke njohur gjithçka nga “Game of Thrones” mund t’iu kthejë në normalitet dhe t’iu ndihmojë të pranoni tragjedinë e fundit të serisë.
Gjithçka për një shifër prej 25 dollarësh për një seancë 30-minutëshe dhe 50 dollarë për një orë. Një situatë kjo, thuajse në limitet e paradoksit, që në këto orë ka ndezur edhe shumë reagime satirike në rrjet.
Kishte nga ata që shkruanin: Në Oslo, projekti i parë i mbështetjes për të kapërcyer ndjenjën e braktisjes në fund të një serie televizive.
