Kryetari i Partisë Demokratike, Lulzim Basha, i ndodhur në Berat, ka bërë një denoncim të fortë ndaj Damian Gjiknurit dhe Taulant Ballës.
Lideri demokrat i ka akuzuar këta të fundit se kanë kërcënuar anëtarët e KQZ-së.
Basha tha se Taulant Balla dhe Damian Gjiknuri janë kapur në tabulate duke kërcënuar anëtarët e KQZ-së, dhe se këto tabulate tashmë u janë dërguar ndërkombëtarëve.
‘Damian Gjiknuri dhe Taulant Balla tabulatet telefonike ku ju kërcënoni anëtarët e KQZ-së tashmë u janë çuar ndërkombëtarëve dhe jeni të survejuar. Nuk keni asnjë shans të kryeni grushtin e shtetit.Tërhiquni sa nuk është vonë, ndryshe Kushtetuta dhe Sovrani do t’ju gjykojnë.Drejtësia e re do ju japë dënimin e merituar me ligj.”, është shprehur Lulzim Basha.
Ai theksoi se asgjë nuk i ndal dhe i tremb pasi luftojnë për një kauzë të drejtë.
“Këtë të shtunë një bashkim tjetër i madh zemrash dhe mendjesh do të zbarkojë në Tiranë. Nuk ka nevojë të më thoni unë e dëgjoj që Berati do të jetë në krye”, tha Basha.
