Ish-kryeministri Sali Berisha ka reaguar pas daljes së kryeministrit Edi Rama ditën e sotme, teksa shprehej për ata që duan të prishin procesin zgjedhor.
Rama tha se kush tenton do përballet me ligjin dhe mund të futet në listën e zezë të të dënuarve për krime zgjedhore dhe do t’u hiqet përjetë e drejta për të hyrë në SHBA dhe vendet e BE-së.
Berisha reagon në “Facebook” duke shkruar se paranoja e tij ka arritur në re dhe herë tjetër mund të shpallë dhe ndalimin në hënë të armiqve.
“Paranoja e tij nga mos mjekimi ka arritur gjer në re! Herën tjetër prisni kur të shpallë se armiqve të tij do iu ndalohet përgjithmonë hyrja në hënë dhe familjarët e tyre do internohen në Shkretëtirën e Gobit”, shkruan Berisha.
