Në një reagim të fundit, këngëtari i njohur, Elton Deda, i ka dalë në krahë Jonida Maliqit, e cila për 2 ditë u kthye në epiqendren e rrjeteve sociale, për shkak të anglishtes së saj. (kliko ketu)
Pavarësisht kritikave që vërshuan ndaj saj, Jonida arriti të kualifikohej për në finale e madhe që do të mbahet të shtunën.
Deda në reagimin e tij përgëzon këngëtaren ndërsa i thotë të mos shqetësohet, pasi muzika ka një gjuhë universal që e kuptojnë të gjithë.
“Histeria kolektive e disa injoranteve qe u moren me nivelin e anglishtes se saj, u kthye ne nje dashuri te pafundme direkt. Kjo tregon qe nje pjese e shoqerise sone vuajne nga hipokrizia, mos-pasje boshti dhe boshllek shpirteror. Merreni si keshille miqesore, lerini artistet te bejne punen e vet dhe beni dhe ju ndonje pune se nuk del keq. Shume suksese e dashur Jonida dhe te jesh e qete pasi muzika ka vetem nje gjuhe universale, qe e kuptojne te gjithe”,-shkruan ai në rrjetet sociale.
