Komisioni Qëndror i Zgjedhjeve ka zëvendësuar 5 deputetët në grupin parlamentar të PS-së, të cilët lanë mandatet për të kandiduar për kryetarë Bashkie në zgjedhjet vendore të 30 qershorit.
Kryetari i FRESSH, Eljo Hysko merr mandatin e deputetit Rakip Suli në Kamzë.
Zv/ministrja e Shëndetësisë, Adriana Jaku merr mandatin e deputetit Pjerin Ndreu në Lezhë.
Florenc Spaho merr mandatin e deputetit Nuri Belba në Prrenjas.
Ardit Konomi merr mandatin e deputetit Ilir Xhakolli në Pogradec.
Laert Duro merr mandatin e deputetit Flamur Golemi në Gjirokastër.
Së bashku me 5 deputetët e rinj socialist në seancën plenare të së enjtes pritet të bëjnë betimin edhe 5 deputetët nga listat e PD-LSI që kanë marrë mandatin dje dhe sot nga KQZ, përkatësisht Halit Valteri, Vasil Sterjofski, Edmond Stojku, Suzana Topi, Selami Janishehu dhe Besnik Troplini.
Deri tani, numri i deputetëve shkon në 121 në Kuvend dhe duhen edhe 19 deputetë për të plotësuar numrin 140.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
