Ditën e sotme në orën 11:00 opozita ka paralajmëruar një tjetër protestë.
Lajmi u bë i ditur mbrëmjen e djeshme nga kreu i demokratëve, Lulzim Basha, menjëherë pas mbledhjes së opozitës mbajtur në orën 00:15.
Protesta do të zhvillohet para ambjenteve të drejtorisë së Policisë së Tiranës, me qëllim lirimin e sekretarit organizativ të PD-së, Sait Dollapi dhe të arrestuarit e tjerë.
Dollapi u arrestua në mënyrë të dhunshme mbrëmjen e djeshme nga policia, pas përplasjes fizike me efeketivët e policisë.
Dollapi aktualisht ndodhet në ambjentet e spitalit Ushtarak të Tiranës, sepse kishte probleme shëndetësore.
Opozita do të kthehet sërish me protestë kombëtare ditën e hënë në të njëjtin orar me sot, 18:30, që do të jetë edhe protesta e pestë kombëtare në total.
/DRONI.al/
Për t’u bërë pjesë e grupit të "DRONI.al - Agjencia Kombëtare e Lajmeve" mjafton të klikoni: Join Group dhe kërkesa do t’ju aprovohet.
KOMUNITETI DRONI.AL: https://www.facebook.com/groups/426976918158037/
