Ky është mesazhi që major Klodian Tanushi kishte dhënë në prag të 10 vjetorit të anëtarësimit të Shqipërisë në NATO pa javë më parë. Tanushi humbi jetën mbrëmjen e së premtes në një spital në Letoni, teksa kishte 4 ditë që luftonte me vdekjen.
Videomesazhi është dhënë nga zyra e tij në Letoni, ndërkohë video është publikuar nga Ministria Mbrojtjes e Republikës së Shqipërisë.
Në bazën e NATO-s në Letoni, flamuri shqiptar është ulur në gjysmë shtizë, ndërkohë në Shqipëri, lamtumira e fundit Dëshmorit të Atdheut do ti jepet me nderimet më të larta shtetërore dhe ushtarake.
Majori Tanushi u nda nga jeta në Letoni, si pasojë e plagëve të marra nga shpërthimi i një mine, aty ku viktimë mbeti dhe Zafire Hasanaj.
