Sezoni i 8 i Game of Thrones ka rrëmbyër vëmendjen e gjithë botës. Pas 2 viteve, e sigurtë do të ishte që miliona shikues të mbërtheheshin pas ekranit.
Tashmë sapo është transmetuar episodi i 4 dhe kudo po shpërthejnë memet në rrjetet sociale për shkak të një “pakujdesie” të produksionit.
Gjatë një skene ndjekësit e serialit, kanë vënë re një gotë e cila duket se nuk kishte aspak lidhje me kohën dhe vendin ku po ndodhnin ngjarjet. Gota i përkiste kompanisë “Starbucks”, kafja më e njohur e momentit në botë.
Kaq mjaftoi që të gjithë të talleshin dhe kudo të përflitej për këtë detaj.
Por “HBO” në qetësi të plotë ka përditësuar episodin e fundit të “Game of Thrones” duke hequr në mënyrë dixhitale gotën e kafes e cila bëri zhurmë në rrjet. Pavarësisht se ky produksion i suksesshëm kalon nën kontrollin e imtësishëm të regjisorëve mesa duket askush nuk e kishte vënë re. Gjëra që ndodhin, ama ja që fansat janë shumë detajist.
