Ish-ministri Ylli Manjani në një reagim në rrjetet sociale thotë se ndërhyrjet e njëanshme në Kodin Penal, Kodin Zgjedhor apo edhe Kushtetutën zhbën çdo produkt konsensual.
Sipas tij, kjo është ‘benzinë e pastër që i hidhet zjarrit’.
Manjani thotë se Shqipërisë i duhet ri-zyrtarizimi i pluralizmit politik në Parlament.
Statusi i Ylli Manjanit
Ndërhyrja në mënyrë të njëanshme në Kodin Zgjedhor, Kodin Penal apo edhe në Kushtetutë, zhbën përfundimisht çdo produkt konsensual që, mirë apo keq pluralizmi prodhoi.
Këto ndërhyrje që ka programuar qeveria moniste në dokumentat ligjorë themelorë të shtetit, do të zyrtarizonte MONIZMIN si realitet politik sundues.
Praktikisht kjo është benzinë e pastër që i hidhet zjarrit…
E përsëris: Shqipërisë i duhet ri-zyrtarizimi i PLURALIZMIT politik në Parlament. Pastaj bëhen reformat, përfshi dhe atë zgjedhore. Duhet vetëm një datë zgjedhjesh politike. Kaq!
