Një efektive e Forcave të Armatosura të Shqipërisë ka humbur jetën në Letoni. Ngjarja ka ndodhur si pasojë e shpërthimit të një mine.
Lajmi konfirmohet nga burime nga ministria e Mbrojtjes dhe pas deklaratës së shefit të shtabit te pergjithshem te FA, Bardhyl Kollçaku.
Mësohet se efektivja 27-vjeçare, Zarife Hasanaj, ishte pjesë e grupit xhenier për demontimin e minave, që po marrin pjesë në misionin e NATO-s në Letoni.
Nga shpërthimi raportohen se janë plagosur edhe 2 persona të tjerë, një prej të cilëve në gjendje të rëndë. Major Klodian Tanushi dhe Rreshter Julian Kapa janë emrat e të plagosurëve.
