Kryetari i Partisë Demokratike është duke zhvilluar takimin me të rinjtë të cilët janë anëtarësuar së fundmi në parti.
Në fjalën e tij, Basha theksoi se Rama po tenton t’i mbushë mendjen shqiptareve se Shqipëria nuk ka asnjë problem.
“E kuptoni se deri ku shkon çoroditja e njeriut. I ka ik truni, nganjëherë është më mirë të flasim direkt, i ka ik truni komplet, sepse, nuk po i funksionon më instrumenti kryesor me të cilin ka marrë pushtetin, shkurajimi i njerëzve, qe t’i frikësojë, dëshpërojë, t’u heqë shpresën, tu thotë se gjithçka është njësoj dhe nuk ka më mirë se ky sharlatan”,- u shpreh Basha.
Kryedemokrati foli dhe për bastin që kryeministri Rama humbi. Sipas tij, basti për shkurajimin e shqiptarëve humbi më 16 shkurt në ditën e kryengritjes së shqiptarëve për ti dhënë fund paligjshmërisë, instalimit të republikës së krimit.
Basha duke folur për programin e tij per të fuqizuar të rinjtë, tha se paratë e vjedhura nga 5 oligarkët, do të merren dhe do tiu kthehen zotëve të vërtetë.
“Prioritet absolut do të ketë arsimi i lartë. Ata që duhet të kenë frikë nga ardhja e PD në pushtet janë ata 5, 6 oligarkë të cilët kanë vjedhur paratë e popullit”,-tha mes të tjerash Basha.
Programi që Basha ofron është mbështetja e praktikave mësimore si dhe punësimi i të rinjve në fushën e inovacionit dhe teknologjisë./DRONI.al
https://www.facebook.com/lulzimbasha.al/videos/381087642617621/
