Gazetari i njohur nga Kosova, Berat Buzhala, ka deklaruar se ardhja e presidentit serb Vuçiç në Tiranë, duhet të pritet me protesta nga qytetarët.
Duke bërë një krahasim me ardhjen e Vuçiçit në Kosovë, Buzhala specifikoi se në Kosovë presidenti serb nuk pritet nga krerët e shtetit apo në takime zyrtare, ndërsa në Tiranë pritet si burrështetas dhe nga përfaqësuesit e lartë shtetëror.
Buzhala me anë të një postimi në rrjetin social Facebook, shkruan se edhe pse Vuçiç kurrë nuk është penduar për krimet që ai dhe shteti i tij i kanë bërë në Kosovë dhe mbi shqiptarët, ai sërish pritet në vizita zyrtare në Tiranë.
Postimi i plotë:
Do te ishte mire qe Vucic te pritej ne Tirane me nje proteste masive. Dikush do te thoshte perse te mos pritet ngjashem ne Kosove? Sepse ne Kosove ai hyn e del pa shkele ne institucione. Nuk i takon kreret e shtetit. Kohe pas kohe i bllokohen rruget me dru e me traktora.
Ne Tirane ai shkon si burreshtetas, e jo tinxa. Ai pritet ne institucione te Republikes, anipse kurre nuk eshte pendu per krimet qe ai dhe shteti i tij i kane kry ne Kosove, mbi shqiptaret.
Kuptohet, nese jemi vllazen.
