Policia greke ka arrestuar sot dy persona, të cilët u kapën me një sasi lënde narkotike, e dyshuar kanabis sativa.
Të ndaluarit janë dy grekë, që u prangosën pas kontrolleve në autostradën Janinë-Kozan.
Policia zbuloi në makinën e tyre sasinë prej 95 kilogramësh drogë.
Ka dyshime se lënda narkotike ishte marrë nga Shqipëria.
Dy të rinjtë grekë iu dërguan autoriteteve të drejtësisë në Janinë me akuzën e trafikut të drogës.
